كونسيلرات ماك تحتَ المجهر ! ...

صباح / مساء الخير .. 

وحشتوووني ،، ووحشني التدوين ..

كل يوم اقول بنزل تدوينه ويضربني كسل .. :( 

كنت بنزل تدوينه عن منتجات ماك اللي عندي ( فاونديشنات / كونسيرات / بودرات / ... الخ )

لكن قررت اكتب ع دفعات .. 

لما نزلت التدوينه عن كوركتر وكونسيلر بوبي براون .. يتني اسئلة عن كونسيلرات ماك ..

وهذا يتكتل تحت عيني وهذا مايخفي ..... الخ

اول شي .. 

في كونسيلر مصنوع  فقط لتحت العين وفي كونسيلر مصنوع فقط لاخفاء العيوب ... 

وطبعا في كونسيلرز تجمع بين الاثنين .. 

ثاني شي قررت اطرح هالتدوينه فالهوقت لان بشرتي حاليا باسوء حالاتها .. الحبوب تطلع لي في هاك الوقت من الشهر ولما احس بضغط  .. واجتمعو مره وحده :) ..

اول كونسلر : 

studio finish concealer 

سعره : ١٨ دولار مقابل ٧ جرام ..

فيه نسبة حماية ٣٥ 

وطبعا ماك معروفة بدرجاتها اللونية الكثيرة ..

 تغطية الكونسيلر فل  ويعطي لوك مطفي .. الباكج عملي .. مكتوب فالموقع انه مناسب لتغطية الوشوم ، الحبوب ، وتحت العين ،، لكن انا ماجوف انه مناسب لتحت العين ابدا .. انا جربته للحبوب بس .. ممكن انه يتكتل خصوصا انه ثجيل .. لما استخدمه احرص ان البشره تكون مترطبه وامد برايمر وطبعا فالاخير اثبته بالباودر ..

انصح فيه للي تعاني من الحبوب .. 

فالصورة لي تحت بس مديت الكونسيلر بدون ولا شي .. حتى مرطب ماحطيت .. 

ايضا اجوفه مناسب للي يستخدمون بيبي كريم ويبون تغطية عاليه فبعض الاماكن فقط ..

ثاني كونسيلر :

pro longwear concealer

سعره : ١٨ دولار مقابل ٩ ملي لتر ..

الباكج زجاجي وله ظاغط .. الزجاج يعطي احساس بالرفاهية .. الباكج عيبني لكن المشكله مع الظاغط (pump) كيف اشرحلكم ؟ امممم يعني احين لو اضغط نصف ضغطه الكميه لي تطلع كبيره .. ولو ظغطت شوي المنتج مايطلع ..

الكونسيلر له ثبات قوي .. يعني يقعد طول اليوم ع الويه .. يعطي نهاية طبيعية .. التغطية من متوسطه لفل كافرج .. 

اجوفه مناسب للاستعمال لمشاكل الوجه وتحت العين ايضا .. 

وجفت ناس يستخدمونه كفاونديشن بعد .. 

يجف بسرعه يعني لازم ينمد بسرعه .. محتاج ترطيب عميق قبله وبرايمر وانه يتثبت بالباودر ..

لي عندها تجاعيد او خطوط في الويه تبتعد عنه ..

الصوره لي تحت استخدمت الكونسيلر فقط ..

مقارنه بين الكونسيلرين العلويين : 

اخر كونسيلر 

select moisturecover concealer

سعره : ١٨دولار مقابل ٥ ملي لتر ..

درجتي فماك nc20 لكن هالكونسيلر اخذته nw25 عشان تصحيح اللون تحت العين .. 

التغطية خفيفة .. مناسب لتحت العين فقط .. فيه نسبه ترطيب .. مناسب للاستخدام اليومي واللوكات الطبيعية ..

ينمد بسهوله .. ومايتكتل تحت العين .. 

كلمة اخيرة :

انا طرحت هالبوست مش لان كونسيلرات ماك افضل الكونسيلرات لكن لان وايد يفضلون الشراء منه .. 

بالنسبة لي اجوفها متوسطة الجودة ..

....

افضل مسكَرا تطويل برأيي + بديل لها بالدراق ستور ..

مساء الخير ..

التدوينه اليوم عن افضل مسكرا تطويل برأيي ..

جربت مسكرات عديدة من عدة ماركات ..

(ريميل ، مايبلين ، برجواز ، لوريال ، ماك ، ديور ، لانكوم ، هيلينا روبنشتاين )

لكن هالمسكرا مميزة جدا .. 

Phenomen'Eyes Effet Extension

سعرها : ٣٠ دولار مقابل  0.24 oz

الوانها :

اللون البني خاص بنسخة الوتر برووف .. 

- حاصلة على براءة اختراع بسبب شكلها الكروي ..

- من مكوناتها زيت اللوز الحلو .. وهو كفيل بحماية الرموش ..

لي عجبني فيها :

-  توصل لكل الرموش بسبب حجمها الصغير حتى الرموش لي بزاوية العين  ..

- تنشف بسرعه ..

- لونها مايتغير مع الوقت ولا شكلها يتغير .. 

- ماتتكتل ابد ابد ابد .. لو احط خمسين طبقه ماراح تتكتل وهالشي مهم بالنسبة لي..

- تسوي كيرل للرموش .. 

المسكرا تعطي طول فقط ماتعطي كثافة ابد .. 

اعتبرها من المست هاف عندي .. حتى لو استخدمت مسكرا ثانيه .. احطها كلمسة نهائيه تفرق الرموش ..

ومنظرها نظيف جدا .. تنفع للاستخدام اليومي ..

فالصورة حطيت طبقتين فقط .. 

البديل لها :

لوريال سوت مسكرا لها نفس الرأس اسمها 

  mascaraL'Oreal Telescopic 

لكن ماجربتها 

البديل بنظري :

volume millions di cils

المسكرا جيدة وخذتها ع مدح يوتيوبر اجنبية .. مختصة باعطاء طول فقط ..

تشبه جفنشي بالتاثير فقط .. التركيبة مختلفة تماما ..

وتتكتل .. لكن مش مثل تكتلات مسكرات مايبلين وريميل ..

مشكلة مسكرات الدراق ستور هي التكتل  + التركيبة ..

( برأيي المستحضرات اللي فاشله بالدراق ستور هي : المسكرا ، البرايمر ، الشدوهات و بيسات الشدوهات .. )

شكلها على عيوني :

وتجاربي ويا المسكرات لاتنتهي ..

كنت بطرح تجربتي مع مسكرا مايبلين فالس لاشز .. موجودة عندي فالدرج من فترة لكن ماستخدمها .. 

يوم جفت المدح عليها قلت بجربها .. وبطرح تجربتي قريبا ..

من المسكرات المحببه لقلبي غير جفنشي :

LASH QUEEN FELINE EXTRAVAGANZA

Dior DiorShow Extase Mascara

وسلامتكم 

ريفيو كونسيلر + كوركتر بوبي برَاون / طريقه إخفاء الهْالات / الحِل لتكتل الكونسيلر تحت العينين .. !

السلام عليكم ..

هذي اول تدوينه لي فالمدونه فحبيت تكون دسمه ..

اخترت هالموضوع كأول تدوينه لاني قبل اسبوعين كانت زيارتي الأولى لمحل بوبي براون ..

توني اعرف ان شي فرع فبوظبي .. :')

وفالمحل دلع ع الآخر .. تحسين انج ملكة .. < أيام قبل كنت احس هالإحساس بباريس غاليري اما الحين لآ .. 

انا وحدة انزعج من البائعين لي فالمحلات حيل ..

يحطون ناس مايعرفون شي فالمكياج ..

 مرة دخلت ماك دورت بيس محدد لين مافقدت الامل وقررت اسال الموظفة لي هناك ..

المهم راويتها الصوره قالت مابعرف ماعندنا شوفي هادول .. :/

بالنسبة لي خلاص ماك اكبر اكس من حياتي .. 

نرجع لبوبي براون .. كتجربة اولى فالمحل اكيد راح اشتري من المنتجات التوب لي عندهم ..

فوقع الاختيار على كوركتر بوبي براون + كونسيلر بوبي براون ..

فالمحل شي موظفتين .. عربية وآسيوية .. (فرع الوحدة مول )

انا لي اخترتلي الدرجة الآسيوية .. اول مره فحياتي اجوف وحدة فاهمه شغلها وفاهمه شو تسوي ..

من النوع لي تقدملج نصايح وتقدملج توصيات على مستحضرات لكن بدون ماتكون مزعجة ..

 ويلا نخش ع الجامد

BOBBI BROWN Corrector

السعر : تقريبا ١٣٠ درهم مقابل 05oz/1.4g
التغطية : كاملة (full)
١٦ درجة :

الدرجات لها قاعدة لون مشمشية او وردية ورجات الغامجة تميل للبرتقالي .. وهذا راح يصحح السواد لي تحت العيون لي هو اصلا مش سواد انما هو لون بنفسجي او ازرق ..

وممكن معرفة لون الكوركتر والكونسيلر المناسب باستخدام الجدول 

تجرب لج الخبيرة الفاونديشن وتختار من الفاونديشن درجة الكونسيلر والكوركتر ..

الإيجابيات :
-العبوة جذابة ..
- نطاق واسع للدرجات اللونية .
- وايد كريمي ومب جاف يعني مناسب جدا لتحت العين ..
-تحتاجين كمية بسيطة لتغطية المنطقة كامل ..
-يندمج بسهولة ..

السلبيات :
- السلبية الوحيدة هي انه يتكتل تحت العين :( .. 
ويتكتل بشكل قبيح بعد .. تحسينه يدش داخل الخطوط .. 
لكن راح اعطي حل لهالمشكلة بعد ماتكلم عن الكونسيلر ..

تقييمي :
4.5/5

BOBBI BROWN Creamy Concealer Kit

السعر : تقريبا 160 درهم مقابل 1.4g من الكونسيلر و 1.7g من البودرة

١٥ درجة لونية : 

المنتج يحتوي على كونسيلر + بودرة .. شي خيار آخر وهو الكونسيلر بروحه وسعره تقريبا ١٢٠ درهم ،،

الايجابيات ( للكونسيلر ) :

- العبوة جذابة وتحتوي على مرآه .. 

- نطاق واسع للدرجات اللونية ..

-كريمي ..

- يعطي لوك طبيعي ..

 - يدوم طويلا ..

السلبيات :

- مخصص للاستخدم فقط لتحت العين ..

تقييمي 4/5

...

طريقة اخفاء الهالات +الحل لتكتل الكونسيلر تحت العينين ..

هالمشكلتين هم اكثر مشكلتين نتعرض لهم .. ونعاني منهم ..

اليوم بعطيكم حل للمشكلتين ..

وهالطريقه مش بس تعطيج حل للمشكلتين .. تعطيج بعد super long lasting ..

اكبر غلط نسويه ونحن مانحس هو ان نمد الفاونديشن لمنطقة العين ..

فاونديشن بعديه كونسيلر راح يتكتل بسبب اختلاف المكونات واختلاف النوعية + راح يعطيج مظهر طبقات ..

ملحوظة: هالخطوات سويها وانتي اطالعين لفوق بدون ماتنزلين عينج .. يعني نزلي ويهج وطالعي المنظرة بحث عيونج تكون مرفوعه .. 

اول خطوة : نضع كريم العيون .. هالخطوة راح تخلي الكونسيلر يمتد فوق كريم العيون بدل مايمتد فوق الجلد مباشره .. وبالتالي ماراح يتكتل الكونسيلر .. 

بالنسبة لي انا استخدم Hydrating Eye Cream

سعره : تقريبا ٢٥٠ درهم ..

الخطوة الثانية ( اختيارية ) : هالخطوة للي ماتنفع لهم الخطوة الاولى لوحدها .. 

  تضمن لج تقليل التكتل + ثبات كونسيلر .. 

وهي ان نمد طبقه من البيس الخاص بالايشدو تحت العين .. 

شخصيا استخدم 

الخطوة الثالثة : مد الكوركتر .. والخطوة راح تصحح السواد لي تحت العين .. ومن بعدها نمد الكونسيلر ونثبته بالباودر ..

وهالنتيجة : 

 بعد مد الكونسيلر وتثبيته بالبودرة / بعد مد الكوركتر / قبل 

وجي نكون حصلنا على نتيجة خيالية :

بعد جميع الخطوات / قبل جميع الخطوات

....

الخطوات السابقة للي عندهم هالات متوسطه او قويه ..

للي عندهم هالات خفيفه ممكن يكتفون بالكوركتر ولي ماعندهم هالات ممكن يتكفون فقط بالكونسيلر ..

تجربة اخرى على على منتج فالاصل هو كونسيلر للاضاءة لكن استخدمته ككوركتر ..

هو 

خذته بالدرجه ٣ لانه مايل للون البرتقالي .. لكن تغطيته جدا خفيفة .. مناسب للي هالاتهم خفيفة 

قبل الاستخدام / بعد الاستخدام

......

بوبي براون عطوني :

^

^

^

من زمان محد عطاني سامبلز *تصيح* .. 

وعطت اختي سامبلز لبيس Vitamin Enriched 

وسلامتكم ..